di Beppe Elia
vagnuni rediti,
lu chiantu nce' mbale?
su pronti li pupi,
ha riatu natale.
e' prontu lu mele e l'oiu nun manca,
caruse, beddhazze cunzati la banca.
quatare, ferzure mandati a cunzare ca st'annu de pittule n'imu binchiare.
ce gioia, ce risi middhanni me pare la ninna nanna cu sentu sunare.
quandu sentimu lu campanune tutti lassamu liettu e chiasciune,
tutti currimu,
sira e matina,
alla novena de lu mamminu.
dopu la chiesa,
dopu tre mazze,
dopu la villa sciamu alla chiazza a du' c'e'pisce e frutti de mare.
riata la sira mienzu a parenti mienzu all'amici mienzu a cuntenti,
cu trikke trakke e batteria facimu nascere lu gran messia...
poi... la mangiata, la biccherata, la tombuliata...
quandu luscisce lu giornu santu,
ca de natale spettamu tantu...